السلام عليكم ورحمة الله وبركاته

الحمدالله على السلامه ياقاااااي من السفر ... وحشانا الابتسامه .. كشرتك والا القمر

وبهذه المناسبة أهدي ابوي هذه الكلمات

أشوف الحب مع كل الحبايب .... خيانه في خيانه في خيانه
عجايب حبهم والله عجايب ..... نبي نوفي ولا نلقى امانه

وأهدي أمي هذي الكلمات

انتا سبب بلواي ... يا حيرتي وشكواي
الحب لك وحدك ... وانتا غريب الراي
عيشتني في حيره .. وفي هم وفي دحديره
ياجارح احساسي عيش الوفى وياي

والماريه الغفله ... ويا غافلين لكم الله ..

القصه ابتدت قبل شهر تقريبا ........ والبدايه كانت كما يلي



أنا :- بابا .. ماما (ايه هين)... انا أخذت اجازه وبسافر
امي :- وين ؟
ابوي :- وشششوو

أنا :- ماعلي منكم .. انتم دارين اني لازم اخذ اجازه غصب .. لأن نظام العمل كذا .. ومو معقوله بقعد في الرياض وسط هالحر ... لازم اسافر واغير جو وارجع .. عشان يتجدد نشاطي وتتجدد حيويتي ... ولحد يخرب البرستيج حقي ... بليز بابي .. بليز مامي
--------------------------------------------------------

بعد ماتم الاتفاق على كل شيئ وتم توقيع العقود والمعاهدات باني اسافر في اجازتي ... قمت بالحجز في ثلاث دول مختلفه تذاكر وهوتيلات .. ودفعت فلوسهم لمكتب الحجز وأخذت الأوكي 100% ... ولا مجال للتراجع خاصة في حجز الهوتيلات ..

وداومت أخر دوام كان يوم الأربعاء ... وسفري سيكون يوم الأثنين من الأسبوع المقبل ... يوم جاء يوم الجمعة ..حدثت مالا تحمد عقباه ... ناداني أبوي وقال لي ... خويلد ... قلت له سم يبه !! .. قال لي وحطبه
ابوي:- مافيه سفر الا لين تخطب
أنا:- يبه انا بسافر يوم الأثنين .. لين رجعت فيها حلاًل
أبوي:- لا ....... ما تسافر الا وانت خاطب .. وغير هالكلام ما عندي
أنا :- موب على كيفك يالدب
أبوي :- أن سافرت بدون ما تخطب .. قلبي زعلان عليك لين يوم الدين <-- توه شايف مسلسل مصري
أنا :- منيب خاطب ولا مسافر
أبوي :- على خير انشاء الله .. أجل اجلس عندنا واترك عنك هالسفر اللي يفسد الأخلاق <--- اللي يسمعه يقول اني بروح اسوي مقابلات في قنوات فضائية


----------------------------------------------------------------

جلست الجمعه ضايقن صدري .. وأحاول احصل طريقه تفكني من الشايب وقرارته السنعه ! ...
انا ما قهرني الا أني شريت التذاكر .. واخذت فاوتشرات الهوتيلات .. ودفعت الفلوس .. يعني لو ما سافرت .. بكون رميت فلوسي في الهواء وبكل غباء ... رحت للشايب وقلت له ومانفع ... راسه يابس .... وسألته اذا وافقت على الخطبه وش بيصير ؟؟ ووش المطلوب عشان اسافر وافتك ؟؟ ..

أبوي :- اذا وافقت نروح بكره السبت ونخطب البنت .. لأنها بنت ناس طيبين وعاجبه امك ونسبهم يشرف
أنا :-lbal
أبوي :- واذا خطبنا ... تسافر انت بسلامتك .. واذا رجعت نتفاهم
أنا :- اوكي بس عندي شرطين لا ثالث لهما ..ولا رابع بعدهما ولا خامس فوقهما ولاكن يوجد سادس بينهما
أبوي :- أها بس أها
أنا :- اول شرط اشوف البنت .... ثاني شرط مافيه زواج الا بعد سنه
أبوي :- تشوفها .. ما يخالف سنة الله ورسوله ... اما زواج بعد سنه موب على كيفك .. هذا على كيفنا حنا واهلها
انا :- أجل ز..... على عرسكم
أبوي :- لاسشخسطلخسسطشطيسيس منك يالسمرمدي <-- قالها بسرعه
أنا :- yes I know <-- يحسب ابوه يتكلم انجليزي
أبوي :- الحمدالله رب العالمين ... يالله لك الحمد والشكر على عطاك .. واللهم لا أعتراض على خلقك
أنا :- حظك من السما اني ولدك
أبوي :- ما يخالف شروطك مقبوله .. بس بكرا بنروح نخطب .. تم ؟؟
انا :- تم يا بعدي


-------------------------------------------------------------------

السبت :-

ركبنا السياره مع اخوي اللي اصغر مني عشان نروح للناس نخطب بنتهم ( اللي داعيتن عليها امها ) وما اكذب عليكم .. ناوي اذا شفتها وجت عيني في عينها .. أغمز لها عشان اشبكها ...



أبوي :- والله جاء اليوم اللي اشوفك فيه معرس يا خويلد
أنا :- يبه وش أسم الناس اللي بنروح نخطب منهم ؟؟ <--- من جد والله
أبوي :- اسمع يا خويلد .. لا تتكلم ابد ابد ابد ... خلك ساكت .. قسم بالله ان تكلمت بلصق البياله في جبهتك
أنا :- لا .. منيب متكلم ... لا تخاف ... ( بس ما عنهم وعن الغمزة .. غامزن لها غامزن لها .. والله لو يرجموني بالبريق )


يوم وصلنا لبيتهم .. دخلنا وسلمنا .. وشربنا القهوه والشاهي ... يوم بدو الشياب يسوون الأفلام حقتهم .. حنا نبي بنتكم فلانه لولدنا فلان .. وحنا نتشرف بنسبكم ... والولد اسمه خالد( أنا خالد ) ... ونبي بنتكم فلانه (اسمها حلو .. مثل اسم وحده معنا في المنتدى ).... خلاص عاد كلش ولا اسامي محارمنا ...
المهم .. الشياب عقب ما خلصو الأفلام حقتهم ... قال ابوي ... بس الولد له شرط .. وهو انه يبي يشوف البنت .. وهذا شي سنه رسول الله صلى الله عليه وسلم ..( وأنا كشرتي من هنا إلين باب الشارع ) ... ابوها ألتفت وطالعني بنظرها من نظرات الشياب حقين من أول ... اللي يقزك بعينه ووده يطب في بطنك ... وقال ايه ايه ما يخالف .. بس مادام ان البنت جازت لأمه واخواته وأعجبتهم .. خلاص... مافيه داعي يشوفها الا في ليلة الملاك ..


أنا :- :
أبوي :- على خير انشاء الله



انا سكت لأننا متفقين أسكت وما اتكلم .. والا بغيت اقوم أزلق على ابوها في هالمجلس .... وقلت اتفاهم مع ابوي واكنسل كل شيئ أحسن .. لأنه أختل احد شروط المتعاقدين

طلعنا من عند الناس ... وركبنا مع اخوي .. وبدينا نتناقش عن الشوفه ... ما فيه أمل اخذ وحده الا شايفها ... لأنه من حقي


ابوي .. قال انت سافر هالحين واذا رجعت يصير خير ..
انا قلت له اوكي بسافر ... بس والله ما اخذ احد الا شايفه .... وهذا حلف حطه حلقة في ودنك



------------------------------------------------------------------

سافرت .. وانا كلي قيود .. وكلي احساس بالمسؤولية ... الأفكار قامت تلعب فيني ... ما توقعت ان بالي بينشغل بهالموضوع ... وكل ماصار شيئ قلت ياولد انا انسان منضبط .. عيب وخلاص ..
وفي أحد الأيام .... نزلنا من الهوتيل انا وواحد من أصدقاي .. وكان فيه تحت صاله مكتوب فوقها ( الهارد روك ) قلت لصديقي شكله فيه عرس الليله في الهوتيل ؟؟ .. قال صديقي .. اي والله وش رايك ندخل نبارك لهم ... انا قلت له يللللللله

يوم دخلنا .. ولقينا العالم تردح ... وتهز ... وترقص .. وحنا نمشي ونبارك لهم وندعي لهم الله يوفققهم فيما اعاطهم ..وفجأة دق الموبايل حقي ... رديت عليه .. مين ؟؟ قال انا فلان الفلاني ( طلع أبو البنت اللي خطبها ابوي) .. انا من الروعه قفلت الخط في وجهه ... وطلعت برا العرس .. ودقيت عليه وقلت له سوري الخط انقطع غصب ...



ابوها :- كيف الحال ووشلونك عساك طيب
انا :- بخير الله يسلمك ... وش تبي <--- والله الأسلوب
ابوها:- وشبلاك زعلتا علينا وسافرتا .. اللي يزعل يسافر الله يهديك ؟
انا :- لا لا .. انا حاجز من قبل لا اشوف رقعت وجهك
ابوها :- متى بترجع بالسلامه انشاء الله
انا :- في 2 سبتمبر ان قاله الله
ابوها :- المهم اذا رجعت عطني خبر عشان نتفق وتجي تشوف البنت
أنا :- سم
ابوها :- أقول اذا رجعت عطني خبر عشان نتفق وتجي تشوف البنت
أنا :- طال عمرك .. انت تامر امر ... انت بس تشاور وحنا نطامر ..انت بس تقول حركه وانا اقول سسسطب <-- كل هذا عشان الشوفه ... ومااااااااااا عنها وعن الغمزة .. غامزن لها غامزن لها ... والله لو يخفسون عيوني


--------------------------------------------------------

بعد ما رجعت من السفر ... اتصلت على ابو البنت وسلمت عليه .. وقلت له .. هاه متى بجي اشوف فلانه <-- يمون


ابوها:- قال بكره بعد صلاة العصر انشاء الله .. وتعال بلحالك .. لايجي معك احد
أنا :- خلاص بس بشرط
ابوها :- وشو ؟
أنا :- تدخل البنت بلحالها لا يدخل معها احد
ابوها :- اها بس اها


قمت الظهر ورحت للكوافير وصلحت شعري وشلت دقني بالحلاوة ... ورجعت وتسبحت(تحممت) ولبست ثوبي وشماغي وشخصت وتعطرت ورحت صليت العصر ودعيت الله وسالته التوفيق .. ورحت لبيتهم وطقيت .. وطلع لي واحد لابس فنيله وسروال .. قلت له سلااااموووو عليكم ... قال وعليكم السلام .. قلت له بيت الفلان ... قال لا يخوي غلطان .. بيتهم اللي جنبنا .. حنا جيرانهم .. ( هذي اخر نكته .. واحد راح يخطب بنت ناس خطب بنت جيرانهم )

رحت وطقيت على بيتهم ورد علي انثى من الانسرماشين(جرس الباب) قالت لي مين .. قلت لها فلانه فيه(شكلها هي اللي ردت علي) ؟؟ قالو لحظه
وألتفت وقعدت اشخص وازبط شخصيتي في قزازة سيارتي .. يوم ألتفت لقيت اخوها يناظرني ويضحك .. قلت له سلااااامو عليكم .. قال وعليكم السلام .. هلا وغلا .. تفضل .. دخلت وسلمت على الشايب وجلست ...(احتري بنتهم تدخل عشان اغمز لها ) الشايب قعد يسولف معي ربع ساعه يمكن .. همين قام وقال اشوفك على خير انا بخليك مع ولدي (ولده كبري وشباب في سني ) .. وانت وياه مشوو أموركم ( ولدهم وش حليله حبوب طيوب ) ..

خشيت في عين اخوها على طول .. قلت له يابوالشباب وشلونك طيب ؟ قال الحمدالله .. قعدنا نسولف وناخذ ونعطي مع بعض لمدة نص ساعه ... سألته اذا كان يعرف شيئ في الانترنت ... قال لا والله ما نعرف شيئ ابد في الانترنت .. ولا عندنا كمبيوتر في البيت من الأساس ( محد بيجلدني عشان المسنجر ) ... انسجمنا في السواليف ... همين قام اخوها ودخل جوا .. وبعد شوي رجع ووقف عند الباب (شكل البنت رافضه تدخل ومستحيه مرررره) دخل وجلس وبعد شوي قام ثاني مره وجابها غصب عنها ...

من يوم دخلت البنت وانا اطالع فيها احتريها تناظرني عشان اغمز لها واشبكها ... بس البنت ما رفعت عينها من الأرض وكان معها منديل تمسح فيه دموعها ... أنا شفتها كذا .. معد طالعت فيها عشان ما تنحرج ( عاطفي تراي ) بعد دقيقه قامت وانحاشت .. انا جلست ساكت واخوها ساكت ... همين قلت يله أستأذنكم ... قال اخوها .. وييييين تونا بدري ما بعد كملت بيالتك ... قلت له ياخي انا كان ودي ان البنت ترفع عينها وتشوفني ... انا شفتها وخلاص .. بس هي ما شافتني .. لازم تشوفني عشان تعرف شكلي وانا اخوك ( وانا ابيها تشوفني عشان اغمز ) قال لي طيب اجلس وانا بخليها تجيب العصير .. قلت اوكي وهاااااااذي قعده ...

دخل اخوها جوا .. وبعد شوي رجع وجلس .. همين دخلت البنت معها العصير ... يوم طالعتني وجت عيني في عينها .. ضعت .. مدري وش جاني .... اخذت العصير وشربت منه جغمه .. والبنت راحت وجلست قدامي بالضبط ... جلست اطاااالع فيها وهي تطالع في الأرض .. وبعد شوي رفعت عيونها وطالعت اخوها ... انا ابتسمت لأنها مستحيه مني ... وفجأة ألتفت وطالعتني بسرعه همين نزلت عيونها في الأرض مره ثانيه ... وقعدت على هالحال ما شالت عيونها من الأرض واستمرت ترتجف لين قلت لأخوها .. خلاص خل البنت تدخل جوا .. لأنها مستحيه مره وعيونها دمعت ... اخوها قال لها .. خلاص قومي .. والبنت ما صدقت على الله ... قامت تركض ... استأذنت انا وطلعت لبيتنا ... يوم رجعت سألوني اهلي ... وأبديت موافقتي المبدئية ... بشرط انه مافيه زواج الا بعد سنه على الاقل ..


آآآآآآآآآآآآآآآآآآآه يا القهر المشكله ماقدرت اغمز لها :wub:

تحياتي / الرحال
------------------------------------------------------------------------