نزعل ونتكبروحنا من الطين والكل منا صد لا اقبل خويه
تفخر واتقول انا على الصد قاوي
وهي علينا في الحقيقه قويه
وتنسى نهايتنا وعلى وين ماشيين
وننسى الزمن الي جمعنا سويه
المشكله ماهي بحاجه لتخمين ولا هي ياناس صعبة القضيه
دق الرقم . كيفك هلا فيك واهلين
انا الخوي الي مزعل خويه
قله. تغيب وصورتك داخل العين
ويبقى لحبك في خفوقي بقيه
اخوان حنا ولو يجي بينا شين مانتفترق دام المحبه بينا قويه
خلك قوي لا تحتكرك الشياطين
قبل الفوات وقبل وقت المنيه
كلم خويك باطيب الهرج واللين
واعرف جميل الهرج يمسح رديه
هذه هي الدنيا لا بد بين الناس تحصل خطيه
ومن لا يقدر غلطة احبابه الحين يقرا حروفي ويعتبرها هديه
باكر تمر سنين وسنين والكل يرحل في الدروب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشيين
وكم صاحب والله دفن خله بيديه
وانشاء الله مايكون بين احد زعل
انين الروح