اغانى للاطفال بلهجه الشاميه
============================
انا الهوى
**********
طق طق طق طق مين الي بيدق على الباب
انا الهوى افتحولي مشتاقلكم يا احباب
حو حو حو حو هادا الهوى يا اولاد
اجا الشتا واجا بردة اوعوا تفتحوا يا اولاد
طق طق طق طق افتحولي يا اولاد
شوفوا شو حامل ع ظهري كبابيت وتياب جداد
مرحى مرحى شو هالفرحة يلا نفتح يا اولاد
يلا نلبس كبوت احمر قبوعة وكلسات جداد
++++++++++++++
البالون
********
بابا اليوم جابلي بالون .......... يا عيني
احمر واصفر اللون ................. يا عيني
بحبو شو بحبو البالون ........... يا عيني
يا عيني على البالون ............ يا عيني
نفخته شو صار كبير ............. يا عيني
ربطة بخيط حرير .................. يا عيني
نفخته صار حولي يطير .......... يا عيني
يا عيني على البالون ............ يا عيني
+++++++++++++++==
المسحراتي
************
يا نايم وحد الدايم يا غافي وحد الله
يا نايم وحد مولاك اللي خلقك ما بينساك
قوموا على سحوركم اجى رمضان يزوركم
اصحى يا نايم وحد الدايم
اصحى يا نعسان وحد الرحمان
قوموا على سحوركم رمضان جاي يزوركم
قوموا لطاعة الله يرحمنا ويرحمكم الله
+++++++++++++++++
زيتون بلادي
*************
على دلعونة على دلعونة زيتون بلادي اطيب ما يكونا
زيتون بلادي واللوز الاخضر والميرامية ولا تنسى الزعتر
وقراص العجه لما بتتحمر ما اطيب طعما بزيت الزيتونا
++++++++++++++++++++
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
اغانى للاطفال 
