بحروف حايره اكتب بعدما انتي خسرتينـــــي

ضعيف ما وجد غير الورق في حيرة الافكار


الا منه نسى همه تجدد هــمـــها فــــينــــــــي

عشقت الليل لا هانت نجوم السامر المحتار


اذا غاب الـــقــمر القـــى بداله من يسلينــــــــي

انا عايش على اعصابي وقلبي لا عتلى ينهار


مع اللي ما قوى شـــوفي ولا يقوى يخلينـــــي

ترى قطر الندى حده طوع الشمس يالمغتار


اداريك وتحســب اني امـــوت اذا تركتينـــــــي

اجيك بخافقي لهفه على شوفتك والمسيار


عشقت الدرب لعيونك كثرما انتي عشقتينــــــي

واذا جا الجد قلتي لي خساره شاعر وطيار


اذا مني رفعت الراس في حــبــــك طعنتينـــــــــي

الا يا ورده صفراء على الغيره تشبك نار


وذا طبع البشـــر وانتـــي وش انتي لا عدمتينـــــي

حشى ما اقصر في حقك وردي طيرك اللي طار


انا ما اقبل اكـــــون اللي ليا هنتي ذكرتينــــــــي

يا بو العادات ما نقبل بعد تجريحك الاعذار


عزيز النفس في طبــــعـــي امانه لا تلومينـــــــي

عوايدنا وحفظنها عرفها كبرنا وصغار


نموت ولا نخون اللي عشـــقنا يا نظر عينـــــــــي

حسايف لا يموت الحب فينا بأول المشوار


حسايف مير اشوفك يا ندى لهجرك جبرتينـــــــــي

وفرصتنا سعيده يوم لاقتنا بك الاقدار


وانا اسعد من عرفك يومك انتي ما عرفتيـنـــــــــي

كتبت لخاطر عيونك وفاء وتدري بالزمن دوار


وعاداتي الــــوفــا يأهل الــوفـــا متأصل فينـــــي

انا رمز الوفا وانته على عرف الهوى غدار


غدرتي الحب واحساسي وتقولي ما غدرتينــــــي

ابقلع نبتتك من قلب يسقيك الوله امطار


وابقتل في النظر حــبــك قبل الشوق يعمينــــــي

ما قمت ولا قعدت روح ما ابي من وراك الثار


ودرب يودي........ وتروح بعيد ........ وتجينــــــي

انا ياما صبرت وذقت من صدك وجع وامرار


ولزوم اسقيك من كاسك مثل ما انتي سقيتينـــــي

تعبت اناظر وانتي تزيدين الحطب في النار


واذا ما جا حساب الــــرب والله ما تفيدينـــــــــي

وانا ودي اسامح مير خبري بالجروح كبار


آخاف انــــدم على فعـــلي واعض اصابع يدينــــي

ابترك غيري يسدد خطاك اللي علينا صار


ويجيك في الـــنــــدم قصه تتوهي ما لقيتنــــــــي

ايه يا بو سعود صاروا في الهوى تجار


وتـــدري وش ســبــب جـــرحي والناس دارينــــــــي

عرفت ان الحقيقه واضحه بعدما باحت الاسرار


وحبي في العمر مــره وعســى ما هو ينسينــــــي

بقى من حبها ليل الالم واورقها التذكار


كفااك غروورا