السلام عليكم ورحمة الله وبركاتــه
عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع
هالخطوات والله يقويكم......
*** عند التلفزيون *** 
لا صارت فيه مباراه , والاخ متحمس اقطعي هالحماس وشلون؟!
انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,
هني بس تقومين بشغلج..
وروحي ييبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: قومي.
قولي: مب فاضيتلك ابا انظف وامسح ...
وبعدين روحي ييبي المكنسه واكنسي المكان اللي هو فيه وحاولي من لحظه للحظه تكنسين جدام التلفزيون وغطي عليه.. ولا يهمج احد..
واذا قال: قومي لااصكج على ويهج بالكوب..
قولي :معصي بيون ضيوف . .
العبي عليه حتى لو مو جايكم احد , والا سوي نفسج يالسه وتذكرتي ان الكيك بالفرن احترق انقزي لين توصلين للفيش ومطيه بريولج ولا تلتفتين ورااج...
*** عند النوم *** 
لا صار التمساح نايم.. نكدي عليه نومه كيييييييييييييييف؟!
دخلي عليه باليهال على عيال يرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وصارخي وخليه يفز من نومه وهو مايدري عن نفسهعن نفسه الا وهو جالس وبكل برود قوليله نبي نطلع..
*** اذا المزاج صفر *** 
اذا شفتيه ماله خلق وموفاضي لا تخافين بالعكس هذي فرصتك تنتقمين منه يعني تحرشي فيه خلي دمج ثقيييييييييل بالمزح
بس انتبهي في هاللحظه راقبي حركات يده لان ممكن يصكج بأي شيء جدامه بويهج ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ ...
المهم.. اضحكي على شكله والا على جلسته والا على لبسه .. هو بيقول ترى مب فاضي ليج ذلفي عني , انتي لا تسكتين قوليله واذا ماذلفت شو بتسوي...
عاد هو بيقوم وبوريج وش بيصير على سنع انتي في هالوقت اقضبي اول درجتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من قعدتك...
عادي .. عادي ..
*** وقت الضرابه *** 
يوم ايدق براسج وتبين تتضاربين انتي والتمساح لازم تجهزين نفسج من كل ناحيه:
1/ اللبس: لازم تلبسين بنطلون او ثوب وسيع خخخخخخخخخ علشان يسهل الركض
2/ الشعر: لازم تلمينه وتسوين حفله براسج وتحطين انواع الشباصات وانتبهي ولا خصله تنزل منك,
3/ مفتاح الغرفه: جهزيه في الباب من داخل ا..لاحتياط واجب..
وقوليله شنو براسك ..؟
عاد هو هنا بيقولك :هذا اللي براسي طراااااااااااخ الا ومخمس وعطاج اسطار ,
لا تستسلمين عطيه بوكككككككس على عيونه الثنتين علشان مايشوف الدرب وحطي ريولج..
.
وعلى طووووووووول لغرفتج اللي مجهزة مفتاحها من قبل واقفلي عليج ..
ويادار مادخلك شر بس نصيحه اقعدي يومين لايشوفج ولا تشوفينه لانه يبي ينتقم منج ..
وبيوريج نجوم الليل في القايله ..
***وفي النهاية***
مالي دخل اذا صار شي ماشيااااات..:008:
تحياتي..
مـلاكـ البحرين
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
كيف تقهرين اخوك ...........للبنات فقط هههههههههه 
