قصدك اني اتنازل لك واجيك
وانحني من عقب ماقلت الوداع
مثل ما انته ماتبيني ما ابيك
المحبه مابها غش وخداع
روح دور لك على غيري شريك
وارتحل بالهم في دنيا الضياع
************************************************** *
لو تباعدنا غدا الكون الكبير
شارع مظلم وتبكيه البيوت
جايز ان الوضع من بعدك خطير
وجايز ان الهم في صدري يفوت
بس شي واحد محال انه يصير
ما اذل النفس لجلك لو تموت
************************************************** *
لو تخيلت القمر من دون نور
لو تخيلت السما تمطر ضخر
والجبال تحركت مثل الطيور
والطيور بلا جبال ولا شجر
لو يصير الموج من غير البحور
والبواخر تبحر بليا بحر
مستحيل اتخيل محب يجور
لا سلام ولا كلام ولا نظر
************************************************** *
في بالي دوم ذكراك
انت حياتي وبالحيل اهواك
ليتني اعرف سبب جفاك
لجل بروحي اشري رضاك
************************************************** *
خلك بعيد وخل الوله
في قلبك يزيد دامك
اخترت البعاد لاتنتظر
مني الوصال
************************************************** *
اخترت حبك حسب كيفي وذوقي
واصبحت خلي بين كل العبادي
اشتاق لك ويزيد البعد شوقي
وان غبت عني صار ليلي سوادي
************************************************** *
ياعيوني ضاقت بي الدنيا بدونك
وأبسألك
هي عادي الدنيا بدوني؟!
************************************************** *
ان غاب عن عيني من الناس
غالين
ما اسال واقول
اللي يبيني يجيني
الا انت أبسأل عنك كل
العناوين
معقول
بنسى نور قلبي وعيني
************************************************** *
ابكي
وانادي ليه قطع المواصيل
متى على الله ساعة الوصل تاتي
يادمعتي لاتطلبين المناديل
تكفين ياعيوني من الدمع هاتي
وينه ونيس الصبح والعصر والليل
في غيبته غابت جميع امنياتي
************************************************** *
اكبر قبر
في العالم؟
"الاسم"
لان الكل يموت فيه
************************************************** *
تحياتي لكم
--------------------------------------------------------------------------------
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
عـادي....بدوني...؟ 
من جديد 
العرض العادي
