أنـا والله إذا شفتـك أتـوه بعالـم التفكيـر
تحاصرني المشاعر فيك وتطلق سربها ويجيك
قصايد حبي أكتبها ومهمـا خاننـي التعبيـر
أبكتبها على يدينك وأضم يـدّي علـى كفيـك
شعرت بسحرها يسري وينبض خافقي ويثير
وعاهدتك على الإخلاص وعهدي انكتب بيديك
ومحال إني اخون العهد ولا يمكن يجيه تغيير
ولو باعوك كل الناس أنا لك يالوفـا أشريـك
ومهما حاول الحساد أقول اللي يصير يصير
مدامك ساكنه قلبي وعينـي بشوقهـا تغليـك
وإذا تسألني عن قدرك تراه هو عالي التقدير
لأنك صرتي لي القلب وروحي ساكناتٍ فيك
أشوفك تمشي بين الناس ولكنك حقيقة غيـر
محال ألقى شبيهٍ لك ودعيت الله بس يحميـك
لأنك بينهم أحلـى وجمالـك فاقهـم بكثيـر
جمالك لاحضر يبقى عطر وزهورها تجنيـك
عيونك وصفها الخجلى وهدبها ناعسٍ ويثيـر
وشعرك يغار منه الليل حرير ٍ لامسه كتفيك
ويدينك من نعومتها أبد مـا للحريـر نظيـر
أحس الورد لاشافك يجي ويذوب في خديـك
وأنا لاشفتها عيونك تجينـي ابـرة التخديـر
قسم بالله ما تغلى عليك الـروح لـو تفديـك
قسم بالله لو أبقى عشيـق ٍ بالمحبـة صغيـر
أبد ما تسلك عيوني طريق ٍ ما عشق رجليـك
عشقتك والعشق بلوى وأبد ما للعشق تفسيـر
مدام ان العشق يعمي أبي عشقي أنا يعميـك
أتابع خطوتك وآنا على ذاك الطريـق آغيـر
إذا شافت عيوني الغير يقولك آمـري لبّيـك
عشقت بنبرة احساسك واحساسي معاك بخير
إحساسي معك حتى إذا أخطى يجي يشكيـك
أحس بلهفة العطشان لموية لو تجـي تقطيـر
وأحس بلهفة العميان لنظره وتسأليني اشفيك؟
أحس القلب له جنحان واحس انه يجيك يطير
وإذا موتي على يدينك طلبتك ( إدفنيني فيك )
قصيده أعجبتني
فحبيت أنقلها لكم
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
وإذا موتي على يدينك طلبتج ( إدفنيني فيـج ) 
العرض العادي
