حركات البنات اثناء المذاكرة
حركات البنات اثناء المذاكرة ...... وماخفي العن
1- الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة .
2- تقعد تسوي نفسها طفشانه وتعبانه ويااااااربيه ماني قادرة اذاكر مدري وشفيني حاسة بكتمة يمه 00الظاهر احد قاري علي والا صاكني عين 000 تقعد امها تقول باسم الله عليك000 تعالي اقرا عليك يابنيتي00
كل هذا عشان اذا سقطت يقولون عين00
3- بعضهن ينزل عليها وسواس نظافة ايام الامتحانات تتروش الصبح والليل وتستشور شعرها كل مرة طبعا مايصير تخليه يخرب وبكره كيف تروح الجامعة والكتاب على جنب طبعا هذي من واجباتها اليومية ماتقدر تتركها عشان تذاكر مايصير0
4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين 000لا وبعضهن ليلة الاختبار عند الخياطة رايحه تسوي بروفه 00
الله من قل الدبره بس0
5- وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها 000تبي تشوف وش صار عليها وتشغلها عن المذاكره 0
6- وهذي تنزل عليها الشطارة فجأة تقوم تسوي العشا لاهلها00وتغسل الصحون عن الشغالة وتقولها اطلعي نامي انتي خلاص انا اكمل00((هذي انا))
7 وهذي مبتليها ربي بحب الجوال قالبتها تشات حشا مو مسجات وماتصحى على نفسها الا قبل الفجر بساعتين00
8 - وهذي المسكينه اللي من قل الحيله توجع القلب لاقفلت معها قضبت المخده ونامت لين تصحى وتقول يووووووه راحت علي نومه00
9وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح جاي رايح جاي 00000يعني اذاكر 00وامها ايه يابنيتي وش تبين بس 000قال ايش تبي تساعدها عشان تفتح نفسها للمذاكرة وما تدري ان كلذا هروووووب 000ذا النوع ماتنتهي الامتحانات الا وهي زايده 4 كيلو000
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
شوفو حركات البنات في المذاكرة 
العرض العادي
