تقول او ماتقول ...؟!!
إنتهت كل السوالف
لاتقول
وش تقول...؟!!
الهوى...؟!!
لافديتك...!!
إكتشفت إن الهوى عندك هواء...
وعمر قلبك ماهوى...
ولاقوى
ولاعرف طعم الغرام...
بالفعل أُستاذ ... بس في فن الكلام
لا...
لاتقول إنك تحب...مالك لوى
يمكن وسوسة حب
او كذب!!...
او تشيطن
او تسلي...
او جنون ولعب باوتار المشاعر
على شاعر
وانت ماعندك شعور
وش يفيدك لو تلف
وش يفيدك لو تدور
وسوسة حب وتحتاج لدواء...
والهوى عندك هواء...
والسوالف ماتخالف
وانا حالف ما ارد بيوم لعيونك ابد
لو سهرت
ولوبكيت
ولو غدت عيني رمد
لاحشى
يمكن انا ضعيف من يم المشاعر...
ونبض قلبي
واحتياجي للحنان
وحبي لذاك المكان
وعشقي لذاك الزمان
وضحكنا
وهيامنا
وملعون ابوه...!!
خله يموت
ما ابي لحظة تعود
معك ياحلو الصدود
فاتت علوم القصيد
في العيون
وفي اشفايا...
وفي الخدود...!!
وانتهى حلم الهوى
وبانت قلوب الخداع
وزيفها
بس اقول لك شيء...؟!
روح...
جعل في دربك سعادة
وضحكةٍ حلوة
وليلٍ مايطول
وانا يكفيني
يكفيني
يكفيني لجل عينك أعاني
ولجل ضحكاتك
يكفيني اموت
موفق يابعد كل الشباب...!!
واحلى الشباب
واكذب من عرف قلبي
وكلها تهون لعيون الغلا...
ياالله روح وافرح
وقل اني همت فيك
وعلم كل الشباب
وقول اني كاتبنٍ كل القصيد لجل عينك
وبالفعل هذا صحيح
موفق
وانا بالتوفيق خليني اموت...
موت شاعره
ماتت من جرح المشاعر...
دمها احمر
ووجهها ابيض
وضحكتها رغم الألم عيت تموت...
تبقى لعيونك ألم
ورغم هذا يبقى بعيوني سؤال
وش تضن الهوى...؟!
إقرا حروفي وتلقي الجواب...!!
إن ضحكت...
ماتعرف الهوى
وإن بكيت...
جايز إن قلبك صحى...
وياصباح الخير...!!
لا تحرموني من ردودكم
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
تقول او ماتقول ...؟!! 
