كيف تصطادين المعرس دون اللجوء الى الاساليب السقيمه
من المغازلات والترقيم والتلميح اللي ماله سنع والترزز بالاسواق.. الخ
اهم شي ركزي على العجوز اللي انتي حاطه عينك على ولدها ثم نفذي
مايلي: لووول
1/خليكي مع امك ولاتروحين مع البنات وتتتهيبلين اصبري عنهم كم شهر
لين تتم العمليه
2/امشي وانتي حاطه راسك بين كتوفك ولاترفعينه ابدا حتى لو عورتك
خلي الفكس دايما في متناول يدك لووول
3/كلمة خاله خليها دايما على لسانك خاصه لأم المعرس عشان تحس
بنوع من التميز عن باقي العجايز
*ملاحظه:
لامانع تنادين عجوز ثانيه بخاله عشان اذا مانجحت الخطه
مع العجوز نمبر ون تنجح من نمبر تو هع هع الاحتياط واجب لوول
4/اذا بدت امك تكلم انغزيها بكوعك عشان تدخلك في السالفه
حتى لو مالك داعي تطبيقا للمثل<كثر الدق يفك اللحام> داريه
المثل ماله داعي بس مالقيت غيره لوول
5/اخوانك الصغار لاحقيهم وطامري معهم وين مايروحون حتى لو هي
مو عادتك بس تصرفي معهم كأنك امهم عشان العجوز تاخذ فكره انك
حريصه على ذريتك
6/كل مااكلت امك من اكله زينه خليها تقول:نفس الاكله اللي تسويها بنتي
حتى لو الاكل من مطعم مكسيكي او صيني
7/اذا جيتي بتمدين ايدك توجعي وخلي امك تقول:قايلتلك وانا امك ماله داعي
تنظفين جدران البيت الخارجيه=نصب زايد(اقول نظفي غرفتك اللي تقولين ثايره
فيها قنبله ذريه)لووول
8/اذا تكلمو الحريم عن العرس اكتمي نفسك لين تحمر خدودك عشان يقولون
البنت تستحي ومالنا حق تكلمنا عندها(بس لاتكتمي نفسك مررره اخاف تروحي فيها
واصير قتلت نفس بغير حق) لول
9/مهما كان الموضوع حماسي امسكي خشتك ولا تبدين رايك خليك مثل البكما
لأن اللقافه تجيب اجل الخطه هع
10/شعرك افرديه لاتخلينه طاير ولاتجعدينه مهما كانت الموضه لأن العجايز
مايدورون الا الشعر الناعم
11/اذا ادلت العجوز(ام المعرس المتوهق)بأي رأي سواء سياسي او وطني او اقتصادي
وافقي عليه حتى لو انه ماصخ وماله داعي
مثااال:تقول العجوز: بوش متقهوي عندنا البارح قوليلها(وليه ماعلمتينا ياخاله نجي
نساعدكم!!!!!!
12/في الزواجات اضغطي على نفسك واقضبي ارضك ولاترقصين واعتبري الرقص عيب
وشق جيب
13/اذا جاء طاري السوق وهو لازم يجي الطاري لأنه ملح الجلسه عند الحريم
خلي امك تقووول بناتي مايحبون يطلعون السوق ابوهم يجيب اغراضهم!!!!!!!!!!
=الحين العجوز بتكون وقعت بالفخ هع هع هع
نروووووح للمعرس الحين:
1/اهجدي في بيت اهلك ولا عاد تطلعين واذا جاء المعرس بيشوفك خلي
ابوكي يقول والله ودي تشوف البنت من دون ماتدري عشان تاخذ راحتك وانا عمك
وبعد تشوفها على الطبيعه ماتقول غشيتوني(ايه هين يالشايب والله لو بأيدك
تحط مكانها باسكال مشعلاني)
2/قبل يجي اليوم اللي راح يشوفك فيه بحوالي اسبوع او اكثر(حسب شين الوجه)
طامري من صالون لصالون صبغ وفرد وتنظيف بشره....الخ
3/اذا جاء المعرس خلي اخوك يوقف جنبه عشان مايطيل التبحلق ويبان المستخبى
وذلك تطبيق لنظرية(اللمحه ذبحه) لووول
4/في نهاية المشهد خلي ابوك يقوول ماعليش وانا عمك ترا البنت شوي محيوسه
(ماعليه يالشايب تنصب على هالمسكين)وبهاللحظه الولد بينط على راس ابوك ويبوسه
لين يشفط مخه ويقول متى العرس ياعم؟؟؟؟؟؟
(تحـــــــــــــذير مـــــــهــــم)
ابتعدي عن امهات العيال المتعلمات راعيات الشنطه نفس لون الجزمه
هذولي يبيلهم خطط بعيدة المدى لووول
(الله يزوجكم كلكم بعد هالخطط وتدعووولي) لوووووووووول
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
خطوات الحصول على المعرس=العريس هع هع (تفضلو ياسحالي) 
العرض العادي
