الســــلام عليكم


بصراحه مافيه مقدمه .. ولكن قلت اكتب هالخمبقه لعلى الله ينفع بها الأمتين العربيه والإسلاميه !! وعلى فكره ترا الموضوع ما فيه أيقونات لأني عاجز لأحط أيقونات بالعربي <<< ماودك تقول اللي عندك وتفارزنا

يعني هذا كتابه لي قديمه وبصراحه نزلت موضوع بشوف مقدار الردود >> وتحطمت

يعني لو ماشوف ردود هنا >> بقدمن استقالتي >> واحلى يامهم >> اسكت لايعطونك باند


قبل كل شي أحب أقول لكم لا تدققون ببعض الخمبقه لأنكم لو دققتوا راح تتعبون من جد لذلك خوذوني على قد عقلي <<أحسن ما فيه إنه يعرف قدره


بصراحه يا جماعه صار لي ثلاث أيام وأنا طفشان مررررررره ومتكدر ولا ذقت نوم ولا ذقت أكل والحاله صعبه..
وكله بسب إن إسرائيل الله يمحاها في العطله الصيفيه اللي راحت
ضربت قلب العشق .. قصدي قلب العرب النابض ( لبنان ) وخربت علينا الصيفيه !! .. أنا ماهمني بعض الحاجات أنا همتني هيفاء اللي يقولون إنها جتها إصابه وهي عباره عن إغماءات متقطعه من آثار الروعه اللي صابتها من صوت
الإنفجارات واللي كنت متفق معها على تصوير فيديو كليب
بعد شهر الحج << ترا مايدري الحجه كم باقي يوم عنها
المهم اشوف المسيكينه خاطرها تصور معي .. تقول مليت من هالأسباني اللي كل يوم أصور معه وابيك أنت هالمره .. بس الله حق إنها قالت أبي التصوير يكون بحديقة حيوانات ولا أدري وش قصدها بصراحه !!



تخبرون الأخلاق قافله والنفس شينه ... قلت خلني أروح لحواري اللبنانين بالمدينه يمكن أوسع صدري واتفرج عليهم طراه إن بعض الوجيه تفتح النفس و والله وتمسك واروح للجرف حارة اللبنانيين << قايل لكم لا تدققون
ويوم مريت مع ذاك الشارع إلا ذيك اللبنانيه اللي عمرها 19 سنه تطرح الطيور اللهم يا تسافي ويوم شفتها وألف عليها بالسيارة أبي أدعسها وهي توخر .. تصدقون إني دعستها إلا شوي .. ويوم تعديتها واريوس عليها أبدعسها بعد قالت العمى شو بك ؟!
إبتسمت إبتسامه تقوطر مصاااااله وقلت لها كنت أمزح يابنت اللذين !!
هي ما فهمتها وضحكت بعد وحسيت إنها إرتاحت لي وحبتني من جد !! .. قالت ممكن روح معاك شويي ناخذ شي فتلي تقصد( لفه ) قلت أفا عليتس والله .. إرتسبي بس وإذا ما شالتس الونيت يشيلتس الشفرهع هع
وأنزل وافتح لها الباب علشان تركب ... مهوب إحترام لها ولكن الباب خربان ويالله وبالله يفتح !! ويوم ركبت وشميت العطر اللي معها وتحوم تسبدي لأني بحياتي ما شميت عطر ولا إستخدمته أبد !! واقوم واشغل المسجل على آخر شي ولا تسنها موجوده معي !! ... وهي تقزني وهي فاقه خشتها وتقعد تصارخ بوجهي وانا يالله أسمع صوتها من صوت المسجل ويوم شفت وجهها طلع احمر واطفي المسجل قلت خير !! وش فيه !! قالت شو مالك ولا كني موجوده معاك ! ياخيي ئكدر مشاعري !! قمت ودددددبجتها على الكتف بغيت أمصع كتفها يقال لكم إني اسلوب هالحين ...
قلت وش إسمتس ؟ قالت رولا كوسي !! قلت هلا والله بتس ياأم كوسه .. قالت وإنتا شو إسمك قلت مصلح .. قالت إنتا من مواليد برج شو ؟! قلت للأسف والله ما أعرف أتكلم روسي هع هع
قالت .. أنا ماعم بسألك عن الحكي الروسي انا بسألك عن البرج ياللي إنتا إنولدت في؟ قلت أنا مولود بالبيت ماوُلدت في برج ! ..
حامت تسبدها مني و قالت أنا يا محاتسيتك مولوده ببرج الحمل ... قلت أجل أنا مولود ببرج الثور !! وحسيت إنها خقت معي لأنها قالت شو كتيييير إنتا مهدوم ( مهضوم ) واستحيت منها وصفقتها على وجهها مخمس وقلت يابعد تسبدي والله الحين أعشيتس على حسابي ولا يهمتس وبأحلى مطعم بالجرف يارولا .. قالت لا بدي مطعم بالسلطانه.. قلت والله إنتس تبطين وبعدين سلطانه كل أقاربنا فيها وأخاف يشوفنا أحد من العذال ونصير علتسه بحلوق الناس ... وأحس إنها اقتنعت بكلامي ... ورحنا لمطعم بالجرف صح إنه يحوم التسبد وجلسنا على طاوله وطلبت نص حبه شوايه بدون رز مهوب بخل ولكن خبركم اللبنانيين ما يحبون الرز .. وحنا جالسين نتعشى مسكت معها على الحنيه قالت بتعرف يامصلح إني من زمان لهلى وانا عم بدور على فارس أحلامي .. وشكلي لئيتو هالسا !! ومن زود الدلاخه ما عرفت قصدها قلت يعني فارس أحلامك وأنتي بتصيرين حبيبته؟! .. قالت إي ياعمري ! والله وأطير عيوني فيها و أوقف واصفط لساني على تحت واعض عليه بسنوني (صوره واحد مستغرب كلمه عمري ) ... وأدف الطاوله وينكب العشاء وكنت ناويها بصراحها ... وقاموا الباكستانيين اللي بالمطعم وفكوني عنها .. وقامت تصيح هي وفهمتني قصدها .. وخليتها هي اللي تحاسب عن العشاء جزاء لها ( العشاء قيمته 9 ريال ) وبعدها ركبنا بالسياره ودق جوالها صدفه وانا ما كنت أدري إن معها جوال وطلع ابوها يسأل عنها قالت شي ساعة زمان وبكون عنكم أنا ورفيئي ( اللي هو أنا ) ويوم قفلت السماعه قالت بتعرف حبيبي صلووحه<<تدلعني
إني بكرهوا كتير كتير !! قلت من هو ؟ قالت بابيه .. قلت ابوتس اللي هو كوسه ؟ قالت لا بابيه إسموا كارلوس ! قلت طيب وكوسه من هو ؟ قالت هاي إسمي التاني قلت ليه أنتم برازيليين ؟! قالت العمى شو برازيليين إحنا من لبنان ويوم جينا بيتهم إلا واهلها حاطين عشاهم حمص وتبوله وفتوش وسمبوسه مع إن هالشهر مهوب شهر رمضان لكن مدري من وين جابو السمبوسه !! قالت .. بيي .. مامي .. خيو لؤي .. خيتو هيلا .. خيتو عمشى !! شوفوا هاي صديئي ياللي حكيت إلكن عنو !! يوم قالت هالكلمه أنا أحتري إطلاق نار وإلا احتري يجيبون سكاكين ويقطعوني أثر الدعوه عندهم عاااااادي ولا فيه مشاكل
والله واجلس أتعشى معهم مره ثانيه .. ويعلموني بسوالفهم وعلومهم كلها ... يا حبي لهم ما عندهم شي إسمه إنتقاد وخرابيط وحقوق !! .. أنا إذا كنت بمجلس عند ابوي وقمت أحتسي عند الرجال خزني بعينه ثم ضيعت السالفه اللي اسولفها .. عكس هاللبنانيين الدعوه عندهم فررررري ودايم أقاطع حتسي ابوهم وهو يحتسي بنص السالفه وأغير الموضوع بعد ! ولا يعرفون سوالف ( شسمه الرجال ولا شسمه سالفته ) وقالوا لي إن ديانا حداد تقرب لهم قلت أنا أقرب لسعد جمعه وراشد الفارس وعبدالرب ادريس ويوسف الثنيان !! ويوم خلصنا من العشا وبغيت أمشي من عندهم .. وتعطيني رولا سلسال عليه صليب قالت يالله ياعمري إلبسو !! قلت وجع هذا عليه صليب !! قالت وشو يا عمري إحنا مسيحيين !! يالله إلبسو من شان خاطري .. قلت من شان خاطرتس نلبسه ولو تبين نلبس غوايش بعد ما عندنا مشاكل !! بس بشرط أنتي اللي تلبسيني السلسال و يوم جت تلبسني السلسال إلا واحس واحد يخنقني






وأثرها امي تقول ليييييش ما صليت صلاة العصر يا الهيس الأربد ؟! أثر الدعوه كلها حلم في حلم


××مايستفاد من خنبقـتي××

1ـ يا شين نومة العصر .. والله ياهي تسبب أزمات وصدمات إذا قام الواحد وشاف الواقع !

2ـالواحد لا يقعد يهايط على غير سنع وهو ما عنده إلا الدجه !

3- الله يخلي لينا دينا الاسلامي ولا تقيدون في المضاهر الخارجيه<<< خارج الاستفاده

4ـ هالفقره حاطها بس تسذا؟؟ أحد عنده إعتراض

5- 19/11/1427هـ تم كتابه الخنمبقه هذي >> يعني بجيب لكم كتاباتي القديمه وكأني شفت الناس تحمست بكتب لكم اشياء جديده >> لاتكثر لا في الماوس


تحياتي
محبكمــ
الزين يفرض نفسه

هههههههههههههههههههههههههههه
ههههههههههههههههههههههههههه

حلووووووووووووووووة منك يا الزين

يعطيك العافية يا رب

وللامام دائما ومزيد من التقدم والعطاء في المنتدى

ولا حرمنا من جديدك خيوو

تقبل مروري على خنبقتك الجميلة

وتحياتي لك

ملكـ آهاااااااااااااااااات

الله يعافيـك

ومشكوٍِر على هذا المرور الجميل أخوي


تحيتي لك

ههههههههههههه
ههههههههه
هههههه
هههه
ههه
هه
ه

الله يرجك رج الين ماتسسسسير لبن هااااااااااااااااي

وش ذي الخنبقه دوليه

يا الزين الكره الثانيه خذني معاك لووووووووووووووووووول<<<بيدج هناك


خربهاااا



موضوع حلو ورايق ويستفاد منه

مشكككككور حبي

هههههههههههههههههههههههاي


هذه نهايـة التفكير في الكوووسة حووسة بحوووسة
هههههههههههههه ....

تشكـرات علا الموضوع الناااااااااااااايس

بـوبـو يرجك معي ياقلبي
هههههههههههههههههههههه

العفـو ياعمري مرورك يكفيني واخذك معي ان شاء الله المره الجايه


مشكوره اختي العزيزه الارمله


تحيتي لكم

لاتنسى خلنا نهبع سوريه هههههههههههههههههه