مرت سنه..ومرت سنين..
والذكرى بقلوبنا.. باقي حنين..
رحلت وخذت معاك الصبر..
رحلت وتركتني ابكي الهجر..
رحلت ومن البكى بكى معاي حتى الصخر..

من يوم رحلت..
وأنا بهمي انجبرت..
قلت باسلى..لكني ما قدرت..
قلت بصبر.. وما صبرت..
قلت بمشي المشوار بعدك.. لكني تعثرت..

آآآه يا يبه..
ليتني أفديك..
ليتني من عمري أخذ وأعطيك..
ليتني اوصل لدربك..
ليتني اوصل لحضنك..
ليتني القى سبيلي اليك..

يبه..
يبه حتى الموت يعذبني..
ما بغى يمك ياخذني..
يبه مادري ليه الدنيا تعاندني..
مدري ليه تمشي ضدي..

يبه..
يبه كل يوم اجي وارجي ..
حتى الحلم عيا يبه لا يطاوعني..
يبه..

اشتقت لك..
واشتقت طيبك..
اشتقت حنانك..
اشتقت عطرك..
اشتقت اشمك..
اشتقت ابوس ايدك..
اضم بيدي دشداشتك..
والمس ريحتك..
يبه..
حتى سجادتك..
باقي بيدي..
حتى مسبحتك..
باقي بيدي..
حتى نظاراتك..
باقي بيدي..

يبه..
تعبت أحتريك..
تعبت انتظر رجعتك..
تعبت الأمل منك..

يبه كل يوم
ارتجي الموت عسى يمك ياخذني..
يبه كل يوم ارددها..
بيني وبيني

"اللهم لااعترااض"
"اللهم لااعترااض"
"اللهم لااعترااض"

وبيني وبين جرحي مليوووون اعترااض..

يبه
سامحني..
ما كفرت
لكني تعبت بعدك..

آآه يا يبه..
كل ذكرى تجيبك عندي..
وليتهااااااااااااا
يمك تاخذني..

قصيدة اعجبتني واثرت فيني كثير
حبيت اني انقلها لكم ..
والله يحفظ والدي ويطول بعمرة ..

لم اعد اعرف اخط الكلمات من اليسار لليمين ام عكس ذلك معاناتها هي
معااااانااتي شكرآ لك على هذا النقل الجميل الله يحفظ والدك ولا يحسسك
بمرارة فقده ....

اختي الغاليةاللهم امين ..
ويرحم جميع المسلمين
و كل الشكر والتقدير لك
لوجودك على صفحتي المتواضعة ..
لا خلا ولا عدم ..

كفـــــــــــــــاك غرروور..

لاتعلم تاثير كلماتك علي... فكم يسعدني أن يكون لي قارئ بروعتك وجمال خلقك..

تشرفت جداً بهذا المرور العطر..

دمت بألف خير...

أم غمازات

كتبتِ وأمتعتِ وابدعتِ

دمتِ بهذا التميز والرقي

سلت آناملك على ماخطَ بهي من روااائـع الآبدااااع


لاحُرمـنا

ام غمازات سلمت يمينك
كلمات جدا مؤثره
عسى الله يحفظ ابائنا ولايحرمنا منهم