انتهت حفلة الزواج ..وهم الجميع بالخروج من القصر .خرجن السيدات الثلاث ليجدوا الليموزين امام بوابة الحريم .....
قالت احدهن صديق ممكن مشوار (( السعودي لابس بدله من غرناطه ومزيت شعر راسه بسمن غنم ))
فتحن السيدات الثلاث الابواب وركبن السياره... .. بعد المشقه وبعد دز ولز و كز وحز ياما تقدمت وحده وياما رجعت !!(( والسواق صاحبنا يطالع في المرايه يتنهد بحقد وتذمر)) مع العلم انهن في الذهاب لنفس موديل السياره ركبوا بكل يسر وسهوله ..اما الاياب فالعكس نظرا لافراطهم الشديد ودقهم ودبهم في الانعام والمفاطيح والودس والزفر!!
اغلقوا ابواب السياره بكل مااوتو من قوة .... تنفست الاولى الصعداء...وقالت : صديق امشي ...وما ان انعطف التكسي للطريق العام حتى بدئوا في الرغي
الاولى :مابغينا نخلص وهذا العرس

الثانيه : يوووووه !! وش هذالعرس

الثالثه : مالت عليهم وعلى عرسهم .... شفتوا كيف مقدمين عشاهم على طاولات وكراسي وماياكلون الا بشوكات وملاعق

الاولى : الله ياخذهم والله انحرجت انا ماتعودت اكل على طاوله وكرسي (( متعوده تربع وتضرب بأم خمس))

الثالثه: انا للحين واللحم وورق العنب على كبدي ماانهضم اوف الله يعز النعمه (( ماكله الشوكه والسكين مع ورق العنب ))

الثانية : شفتوا موضي ووش زين رقصها مشاء الله عليها

الاولى : ايه مشاء الله على شعرها ياطوله

الثالثه : الا ماشفتوا هذيك اللي لابسه احمر مدري وش اسمها

الثانسه : اي وحده ام احمر

الثالثه : اللي لابسه احمر واخضر وحاشية ايدينها وصدرها وراسها ذهب (( حشى صارت صنم ذي ))

الاولى : تقصدين ام احمد

الثالثه : ايه مالت عليها وعلى شوط رقصها المالغ مدري ليش ترقص وهي معصبه (( ام احمد وطت فيش توصيلة المكرفونات وكلتها شوط 220 فولت ))

الاولى : الا ماشفتوا ام سعد يوم تهاوشت مع عفاف ؟؟!!!

الثالثه : شفتهم بس من بعيد ماادري وشو سالفتهم !!!!!

الاولى: هذي ام سعد الله يسلمس ولدها سعد طق ولد عفاف على عينه وهاتك ياصراخ ولد عفيفوه هو في اخر صالة الحريم وصياحه واصل للحاره اللي ورا القصر وجات عفاف تبي تطق الولد وفزعة ام سعد لولدها وتهاوشت مع عفاف

الثالثه : ياساتر وبعدين

الاولى : ام سعد توثمت في المسيكينه تطقها بطوفرية بيالات الشاهي وعفاف تصارخ وشاشت شعر ام سعد (( نشبت اصابع عفاف في فلافل شوشت ام سعد ومافكها الا الدفاع المدني ))


الثانيه : بصراحه ماضايقو الضيوف الا شريفه وعيالها الشياطين اللي مالهم شغل الا مراكض بين الكراسي وترجيم الحريم بالبردقان وقاورير المويه وشريفه نايمه ولا همها

الثالثه : صديق ممكن ترفع على المكيف ذبحنا الحر (( وش عندهم الاسكندنافيه ))

الاولى : ايه شريفه هي والفستانين اللي بين كل عرس وعرس وهي مداومه على واحد منها

الثالثه : الا العروس وش اسمها

الثانيه مدري بس كني سمعتهم في الزفه ينادونها ريم

الاولى : لاتسئلون عن اسم العروس ولا اهلها اهم شي نعرف اسم المعرس عشان لو احد سئلنا


(( وشارفوا على الوصول الى الموقع المحدد ))




الثانيه : طيب حددتو القصر اللي بكره بنتضيف فيه

الثالثه : لا بس ليش مانغير جو ونروح لزواجات الفنادق

الاولى : بصوت منفعل .. لااااااااااااا انتي هبله تبينا نروح لفنادق !!! ماندخل عندهم الا بكروت دعوه .... ولا تبينا نتفشل انشالله

الثالثه : شسوي كله من العشاء اللي ماانهضم مخي لذع

الاولى : الا على طاري الهضم انا ماهضمت للهندي هذا(( بصوت عالي للسواق )) صديـــق وقف عند رابع بيت على اليمين مالت عليك

الثانيه والثاله بصوت واحد والله حنا مثلك

فجأة ضرب صاحبنا السواق فرامل ووقف !!!!!! التفت عليهم عيونه متناقزه حمراء وخشمه انتفخ وشوشته وقفت وصرخ في وجيههم ( وانت عطيتوا بطونكم فرصه تهضم جعلها القرح والجرح عشان تهضموني او ماتهضموني الخلا الله يقلعكم ))

فتحن السيدات الثلاث الابواب ونزلن من السياره بسرعه
وهم يصارخون سعودي سعودي ..... وماشاف صاحبنا الا والغبار وكئن لم يكن في المقعد الخلفي الا سندريلات الرشاقه والعود الميس !!!!!!
وضاع حق المشوار مع ضياعي في العجه ...وتورطت ومالقيت نهايه لهذا المشهد (( ماصار مشهد ذا صار طريق الحجاز ))

ههههههههههههههههههاي

يسلموووووووووووووووو
لا خلا ولا عدم

انا مفهمتش بس شكرا

يسلمووووووووو على المرور

مشكووووووووووووووووره على القصه

يسلمو ع القصة الحلووة

و الله يعطيج العافية

لا تحرمينا يديدج

تسلمووووون ياغاليات على المرور