السلام عليكم
يااااي ترا مره متشققه لسببين..
اولهم هذا اول موضوع لي بالاقلاع.!
ثانيهم هذي تقريبا اول طبخه اطبخها و "اشرف" عليها كلها من اولها لاخرها..
شفت الطريقه في منتدى ثاني ..
كانت الطريقه سهله.. لكن الطعم ألييييم يا بنات
نبدا بالمقادير ..
اولا
.. (مكرونة اصداف كبيره "كيس واحد كفايه" )
ثانيا
.. (صدور دجاج مبرده. علبه فطر "مشروم"..حبتين جزر كبير .. حبتين فلفل اخضر..بصلتين )<<نقطعهم قطع صغيره وتخلطهم مع بعض )
ثالثا
.. (جبنة بوك سايله الحجم الصغير .. قشطه .. حليب سايل"ابو قوس مثلا.!" .. مايونيز اصغر حجم بعد)
نجي للطريقه
المكرونه تسلقونها سلق خفيف مع ملح وشوي زيت واذا خلصتوا حطوها على جنب لين تبرد شوي..
المجموعه الثانيه : البصل والمشروم مع زيت في مقلا وعلى النار نحمسهم ونحط فوقهم باقي المقادير "الدجاج والخضار"
ويكون بهذا الشكل
بعدها تقومين تحشين فيه المكرونه
وتصفينه في صينيه بايروكس على الوجه او تقلبينها..
انا فضلت على الوجه لان يطلع لها شكل احلى,,
بس سويت الشكلين وحده للي بالبيت ووحده خذتها معاي لناس قرايبي
وقبل ماتدخلينها للفرن ..
تجييبين المجموعه الثالثه (الجبن..الخ) وتخلطينهم مع بعض بالخلاط وتصبينه فوق المكرونه ..
واللي مثلي مدمنة ثوم .. تقدرين تخلطين معاهم ثوم وفلفل اسود<<مدري وش الحكمه من الفلفل بس يوم اسويها كان قدامي وحطيته معاها ..
وتدخلينها للفرن بس وقت قليل وما تطولين لان الموضوع مجرد تحمير
وتطلع لك اخيرا بها الشكل
او بهذا الشكل وانا اشوف انه احلى من اللي فوق.. معطي منظر لذيذ
طبعا ما قدرت اصورها وهي مقطعه.. عند قريبتي وبين الناس فشيله.. وبالبيت ماشاءالله رجعت لقيتها مخلصه
يللا عاد بليز الله الله بالردود السنعه على شان اتحمس وانزل لكم طبخه ثانيه
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
::::::معكرونة أصداف::::::::: 
:002:
