السلام عليكم ورحمة الله وبركاته
هذه قصيده لخالي نزلها في احدى المنتديات
ولم يكن يعرف باني شبه شاعر
فرديت عليه
انا بكتب قصيدة خالي واذا شفت تفاعلكم مع الموضوع
نزلت الرد ارجو ان تحوز على رضاكم
سالفتها كان خالي يحب له وحده وكان يوم من الايام جالس وضايق صدره لانه خطبها ورفضوه
لانهم من قبيله ثانيه فجالس وهو ضايق صدره مر عليه واحد من الجماعه وقال له وش فيك
قال ولا شي قاله / لا يكون مأثر فيك الموضوع يقصد انهم رفضوه قال هو يعني شوي
المهم راح الرجال وجاه في يوم ثاني تقهوى عنده بعدها عطاه ظرف قال لا تفتحه الين امشي
بعد مامشى فتح خالي الضرف ولقى فيه قصيده ما يحفظ منها الا هالبيتين/
يابوحمد كانك من الحب تهتال ................. فابشر بفزعتنا وما تهتني به
والحب بلوى من قديمات الاجيال ............... ومنه عقل قيس جرى فيه ريبه
الرجال اسمه ابو فهد
قال خالي /
يا مرحبا ترحيبة تشرح البـــــــــــــال ............. وتجلي عماس اللي شكى من حبيبه
عد المطر واعداد ما هل همــــــــــــال ............ واعداد غرس (ن) صاحبه يعتني بــه
ومن بعدها يا بـادع(ن) زين الامثــــال ........... أحلى المعاني صاغهـــــــا بتعجيبه
أبوفهد ياطيب العــــــم والخـــــــــال ............ مواقفك ماهي علينــــا غريبـــــــه
أقـــولها لاشـــك والصــدق ينقــــــال............ والله يعين اللي زمــــــــــانه حـريبه
وان كان دمعك من على وجنتك سـال ........... شي مضى واللي مضى وش تبي به
ذاك أمس حالك حال واليوم في حــال ........... وضعك تغـــير راح وقت الغليــــــبه
والا أنا ياخــــوك صبري علي طـــال .............. خلي قريب وفي ديـــــار قريـــــبه
بيني وبين صويحبي خمـــسة أميـال ............ ولا حصل لي ياولــد والتـــــقي بـه
ما فادني هـــاتف ولا فـــاد جـــــوال .............. وما فادني حتى مواصل نديبــــه
ويلي على قربه وشـوفه بالامهــــال ............ على الشريعه ما نبــــيها غصـــيبه
والله لابــذل كل جهــدي والامـــــوال .............. واشري هوى قلبي واخفف لهـيبه
بس البــــلا من دونها واحــــد قـــــال ............... لاهيب من ربعــــه ولا من نصيـــبه
ما يدري انـه حـــط بالقـــلب ولــــوال ............... وزود جروحن وسـط قلبي عطـيبه
وان ماحصل خلي وانـا صـرت خيـــال ............ للمــهره اللي ليتــها لـي قريــــبه
عــز الــله انـي تبت عـن كـــل الازوال............. غيره ولــو يعرض على ويش ابيــبه
وسلامتكم ,,,,
اذا شفت تفاعلكم راح انزل ردي على خالي
يارب تعجبكم القصيده
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
على الشريعه مانبيها غصيبه 
العرض العادي