انا رديت على خالي بها الابيات
عز الله انك قلت ياطيب الفال،،،،،،،،،،،، قول(ن) يداوي كل نفس(ن) عطيبه
قول منقى كله احكام وامثال،،،،،،،،،،، متعوديـــنــه منك ماهي غــريــبـه
دايم مضرينا على زين الاقوال،،،،،،،،،، ولابعد منك سمعنا مصيبه
لكن ابشكي لك وبجر موال ،،،،،،،،،،،، واقول انا واحد شكى من حبيبه
بشكي عليك الحال واقول ياخال ،،،،،،، حبيت خلي حب مايعتني به
قلبي تعلق فيه من بد الازوال ،،،،،،،،،، وعندي حلاه مغطي كل عيبه
مانيب اطالع في جمال ولا مال ،،،،،،،،،، لكن جمال الكون في وسط جيبه
عينه الا من سلهمت جاني ظلال ،،،،،،،، اثره ظلال الرمش والرمش هيبه
والشعر لامنه التفت تقل شلال ،،،،،،،،،، نسمه تودي الشعر واخرى تجيبه
والخشم سلة سيف في يد رجال،،،،،،،،،،رجل محنك قد بزغ فيه شيبه
والمبسم اوصافه كما الدم لاسال،،،،،،،،،احمر صغير وفيه رقه عجيبه
فدوه لها جميع من يلبس الشال ،،،،،،،،، وفدوه لها من فاح في السوق طيبه
بقول قول وقولوا محمد قال ،،،،،،،،، لاهيب من شمر ولا من عتيبه
ياليت خلي يرحم ويرأف بحال،،،،،،،،،، واحد بعد فرقاه حاله كأيبه
جاني بعد فرقاه عله وسلال ،،،،،،،،،،، عطيتها قلبي وقالت شبيبه
يارب يامنزل تبارك والانفال ،،،،،،،،،،،لا تجعل عيون الاوادم تصيبه
بعد ماسمعته الرد قال لي الحين انا اللي لازم ارد عليك طبعا انا حلفت عليه
وقلت انا اللي مجاريك وراد عليك يعني مابي الدعوا تروح ردود في ردود
اربها تجوز لكم بس
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
رد على قصيدة على الشريعه مانبيها غصيبه 
