هذه قصيده كتبتها في ابو متعب وولي عهده حفظهم الله آمل ان تحوز على رضاكم واستحسانكم
اقول :
ابدا بذكر الولي العظيم الجليل
رب السما ومثبت الارض بجبال
رب النبي موسى وعيسى والخليل
الواحد المعبود منشي السحب والخيال
من بعدها برقى على راس الطويل
وبرخي لفكري وهاجوسي الحبال
والحمد لله جاب لي هرج جزيل
يطلق حجاجي لا ذكر بين الرجال
وذي عادته دايم يسوي المستحيل
ويجيب هرج كله احكام وامثال
واليوم هرجه جا كما سيف صقيل
سيف على وجه العدا دايم يشال
سيف يعز القرم ويذل الذليل
لسان ماهو سيف بس من باب المثال
واليوم وظفته بمدح رجال اصيل
رجل مكانه دايما فوق الطوال
عبدالله اللي للعرب سيف سليل
معرب الجدين عمان وخوال
شيخ يزبن كل من جاله دخيل
كامل مكمل جل من له الكمال
خادم بيوت الله مامثله مثيل
يخدم بيوت الله بجهود ومال
صقر العروبه للوطن ظل ظليل
الله يحفظه من صواديف الليال
وولي عهده شهم وانسان نبيل
يعرف باسم هداج تيما والشمال
كفه اليسرى عطا وكفه اليمنى سبيل
وبابه مشرع والقهاوي في الدلال
اخوان نوره مابهم رجل بخيل
ارداهم اللي لارتكى للحمل شال
واختام قولي باثني لراعي الجميل
اللي اذا ارخيته يحقق لي المنال
وقد قالها ابن فطيس في شطر جزيل
((الله يجملني اذا جالي مجال ))
وسلامتكم
ارجو ان تحوز القصيده على رضاكم واستحسانكم
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
الله يجملني إلا جالي مجال 
العرض العادي
