السلام عليكم ورحمة الله وبركاته
هذي قصيده ثانيه لخالي وانا ماجبتها الا يوم شفت تفاعلكم في قصيدته الاوله
وما جبتها الا عشاني رديت عليها برضه وابي اسمعكم القصيده واذا اعجبتكم نزلت الرد
يقول خالي /
اربع سنين (ن) كنها ظرف ساعه
مرت ليـــــاليها علي كنها حلــــــــــوم
يا حلوها ويا زينهــــــــا ياجماعــه
لا حقد ولا غيره ولا احزان وهمــــــوم
ويا هنوفا (ن) طوعتني طواعـــه
وصارت هي الحاكم وانا صرت محكوم
حبيتها حب الشرف والقـناعــــــه
واخلصت في حبي ولا نيب مليـــــــوم
قصدي شريف ولا نويت القطاعه
وحافظ هواي بداخل الصدر مكتــــــوم
ادرى هوانا عن خبيث الاشاعـــه
والحب له شرع (ن) وله درب وسلـوم
واجب علي اني احفظ الوداعــه
لوكــان يلحقني مشاريـه وعلـــــــــوم
صابر على ظلم الزمن باستطاعه
لعيون سلطان الهوى شمعة القــــوم
عل وعسى لو يلتوي بي ذراعــه
واروي ظما قلب (ن) تعود على الصوم
انا اتمنى شوفتـــه واجتمــــاعــه
وهو بعد يبغـــى المواصــــل معي دوم
الكــــل منا لايــــع الحب لاعــــــه
احرق فؤاده وحرمه لــــــذة النــــــــوم
يــــاما ويــــاما جمعتنا الولاعـــــه
واليوم صار الوضع واضـــح ومفهــــــوم
حل الفـــراق اللي يروع رواعــــه
وغطى على نور القمر عــــج وغيـــــوم
واليوم الاسود طــار عنــه قناعـــه
وشفت البشر كل البشر ضدي خصوم
والروح راحت يامحــــمد نزاعــــــه
ومما بقلبي ماقدر اجلــس ولا اقــــوم
لا شك هذا حكــم رب الشفاعــــه
وما يكـــتـبه ربي مقــــدر ومقســـــوم
وسلامتكم ،،،،،
واذا جازت لكم بنزل الرد
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
اربع سنين 
العرض العادي
