السلام عليكم
هذا ردي على قصيده خالي اللي بعنوان اربع سنين
اللي مطلعها
اربع سنين كنها ظرف ساعه ،،،، مرت لياليها علي كنها حلوم

وانا اقول

ســــلام يــــارمــز الكرم والشجاعه...........يــالــلـي بـعــد ربي لنا ظلال وغيوم

اســــــــمح لي اجاريك عبر الاذاعه...........وابـادلــك بـهـمـومــك اللي لي هموم

صحبتك يا وجه ال(سعد)لي طماعه...........افـــخــربهـا واماري الفرس والروم

ياصـــــاحبـــي طرد الهوى واتباعه...........حـلو(ن) الامن صار واضح ومفهوم

امـــــا إلامــــن صـار كذب واشاعه...........اعــرف تــراه يروح وانس انه يدوم

حــــبـــك شــرف وتقول حبك قناعه..........وتــقــول انــا مــعــلق بحبه ومحكوم

والـحـب كـان يقول سمع(ن) وطاعه..........وبــيــنــك وبين صويحبك دايم يحوم

وتقــول مـانــتــب ناوي(ن) للقطاعه..........يــعـــنـي غريبه ينتهي وانت محروم

حــــرمــت خلك وانحرمت اجتماعه..........والــلــوم مــاهــو لــك ولاهـو بمليوم

لا تــقــول عــنــه خـان والحب باعه..........اكيد مجــبـــور بـــتـــقـــالــيـد وسلوم

يــعــنـي الفراق اسبابه اهل وجماعه..........ردوك عــنـــه وصارو انداد وخصوم

هــذا هـــو الاجـــرام وهذي الشناعه..........وهـــــــذا هو اللي يحرم عيونك النوم

بــدعــي مــادامك مالك أي استطاعه..........انـــك تـــعـــيش بلوعة الحب مهزوم

يــــارب تــجــمـــعهم ولو ربع ساعه.........((وتروي ضما قلب تعود على الصوم ))

الله عليييك أخي الكريم

من دون اي مجامله كنت فعلاً رائع

وانا شخصياً احب ان ارى محاوره بين شخصين

استمتع واتشوق الي معرفت آخر بيت ...

صح لـ سانك وتسلم يمناك

اتمنى ان ارى شيئ جديد منك

فـ انا سـ اكون دوماً بـ القرب الي بوحك
وبوح من تستمتع معهم ..

لاحُرمنا

نورتي موضوعي


يسلموووووووووووو على هالاطراء

ملاك فعلا ملاك بردودك

ماعرف ارد الا بكلمة الله يعطيك العافيه

صح بدنك خطيره

ردود خطيره من عند الخطيره فعلا خطيره


يعطيك الف عافيه
نورتي الموضوع