هاي يا بنات المنتدى هدا موضوع ابيكم تقروه وكل وحده تشوف نفسها هي دلوعه والله دفشه
مقارنة بين البنت الدلوعة والبنت الدفشة


البنت الدلوعة..
طبعا هذة البنت وهى نايمة فى غرفتها دباديب والارنوب والكتكوت والبطبوط كلهم فى احضانها تقول محل أطفال مب غرفة نوم واذا قامت من النوم
ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم
لكم وش قالت لها الخدامة 00 تقول قومى ما ما وقت كثير تأخير 00 والناعمة اول ما تصحى
من النوم تفتح الستارة والشباك علشان الغرفة تتنفس وتشغل موسيقى رومانسية علشان
يكون الجو رايق وتاخذ حمام محترم وبعد ما تطلع من الحمام على المنظره تحط من هالكريمات
والصبغات 00 لازم تحافظ على البشرة 00 خلصت من المنظره راحت لى الاستشوار
وبعدين تلبس البنطلون الجنز والبلوزة ولا بجامه خفيفه 00 وتنزل تاكل الفطور اللى يكون عبارة عن دونات
وعصير برتقال 0



البنت الدفشة..
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى
شبعتى نوم ترد الدفشه على امها 00 زين زين الحين بقوم 00 وتقعد تأفففففففف ويطلع من
حلجها نار 00 بالاضافة الى انها وهى نايمة كل دقيقة تطيح من على السرير 00 وبعدين يدخل
اخوها الصغير ويصرخ ويوووووو يالله قومي 00 وهي تقول ويع ياخذك ان شاء الله 00 ويرد هو بقول يالله بسج رقاد يالله 00 ترد علية : اطلع من الغرفة والا
اشوتك من الدرشيه الحينه 00 المهم اخوها اللى اكبر منها يروح لها الغرفة يرفسها وبعد هاييك
الرفسة القويه 00تقوم من النوم




نرجع للبنت الدلوعة..
ما تتغدا الا الساعة 4 ولا 5 ولا تتغدى الا على عيش ابيض وروب وسلطة تحافظ على رشاقتها 0



اما البنت الدفشة..
تتغدا الساعة 12 بالضبط ولا تغدا الا عيش وسمك او دياي واذا خلصت تشرب البيبسى شربة
واحدة يعنى ما فى مجال انها تتنفس 00 وما تسمع الا اصوات تخوف 0




البنت الدلوعة..
طلعتها تكون من بعد صلاة المغرب ما تطلع العصر تخاف على البشرة من الشمس




البنت الدفشة..
تطلع الساعة 2 القايلة الظهر بعز االشمس و تروح مشى لبيت خوالها ولا حد من اهلها لحد ما تنقلب سودا وريلها فوق راسها 0



البنت الدلوعة..
تروح ستار ب** او اى كافية او السوق وقبل لا تطلع تمر على الصالون تحط هذاك الميك الاب وتجيك على بشرتها



البنت الدفشة..
تحط كحل يملا العين والروج تقول ما كلة انسان واذا بتروح تروح سوق الجمعه 0




البنت الدلوعة..
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها



البنت الدفشة..
ها ها ها ها 00 وخشتها كنها بوابه عماره والشارع الثانى يسمعها 0



البنت الدلوعة..
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل
توم كروز لوسامتة وميل جبسون وجيم كارى لخفة دمهم 0



البنت الدفشة..
ممثلها المفضل ابو هلال وعبدالناصر درويش ومطربها المفضل خالد الملا ومزعل فرحان وأبو بكر سالم 0



البنت الدلوعة..
لما اطالع التلفزيون تقعد على الكرسى وتحط رجل على رجل وتبتسم لان الابتسامةتعطي بشاشة على الوية



البنت الدفشة..
تنسدح على الارض وتحط رأسها على المخدة وتمد ريلها وتحطها على التلفزيون واذا تبى
تغير القناة تضغط فصوص التلفزيون باصبع ريلها وتغيرالقناة 0



البنت الدلوعة..
اذا تبى تحلم احلام اليقضة طلعت فى حديقة بيتهم وقعدت على الكرسى الهزاز وقام الكرسى يروح و يرد



البنت الدفشة..
تروح بالحوش وتمد السجادة اللى فيها خمسة وثلاثين لون احمر واسود وابيض وجابت مخده
ستة متر وصينيه زختها فراخ ونمكي

البنت الدلوعة..
فى نهاية هالموضوع تقولكم 00 تشاو 00 او سى يو 00 او بباى

هاااااااااااااااااااي اموله

موضوع ناااايس بالمررررره

لكن المشكله انا ما عرفت اني دلوعه والا دفشه<<اكيييد دفشه
خخخخخخخخخخخخخخخخخخخخخ

يعني مثلا غرفتي ما فيها العاب كثير ما فيها الا دبدوب وبس
واصحى الساعه 4 العصر << هذا بعد ما اتعدل نومي
واتغدى بعد المغرب

واطلع بعد العشاء واحط كحل
خخخخخخخخخخخخخخخخخخخخخخخ
ويوم اضحك افتح الخشه والله يعين اللي قدامي
هههههههههههههههههههه

والاغاني اللي اسمعها لهاني شاكر وكاظم الساهر مع خليط من ابو هلال وابو سراج
ههههههههههههههههههههههههههه

وما احلم احلام يقظه بالمرررررره<<بكاااااشه

المهم ما ادري انا انتمي لمين
لكن اتوقع دلووووعه<<ايه كثري منها
هههههههههههه

يسلموووو يالغلا

تقبلي مروري وثرثرتي

آهااااااات

تسلمي

ع الطرح الراقي