اقسى قصيدة حــــب

10-07-2004, 01:38 PM

عجبتني حيل هالقصيدة وقلت تشوفونها وياي وان شاء الله انها بتعجبكم

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانه قول .. وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك

اللي تقوله صح .. لو كنـت جارحـك
( مير ) انت غارق للاسف في ظنونـك

وصفك نسيته بس .. باقي ملامحـك
بنهيـك وانهـي بالنهايـه جنـونـك

ماتستحـق امـد (كفـي)واصافحـك
مثلك غلط عمري وابحيـا بدونـك

لعبـت دورك شاهـدتٍ مسـارحـك
خدعتنـي واظهـرت خافـي فنونـك

كنت اعتقد قلبي هو ابرز مطامحك
اللي يبيـع النـاس لجلـه يصونـك

تعبت اسوق الشوق يمك واصارحـك
اخلصت لك بالحب شوفت عيونـك

لكن خساره صرت غايـة مصالحـك
ياليتنـي ماجيـت لحظـه بكونـك

بالامس كنت بنشوة الحب امازحك
اخيـل برقـك واتحـرى امـزونـك

واليوم من صفحة حياتي ابمسحـك
هديت صرحـك ثـم طاحـت ركونـك

ولابي عيوني لـو تصـورت تلمحـك
اعلنت موتك وانسجن لي كفونـك

وان جيت تطلب ترتجيني اسامحك
بهديك طعنه مـن بقايـا طعونـك

تحياتي

الخطيرة

10-07-2004, 10:43 PM

اشكرك اختي الخطيره على ذوووقك الرفيع

وهذى وان دل دل على

وجدانك الرائع

واحساسك الجميل

تقبلي تحيات

عظيم الود

10-08-2004, 10:07 PM


	مع انها كلمات تحمل في طياتها القسوة والالم والحسره .. ولكن اجمل ما فيها انها اعجبتك وهذا يزيدها شرفاً لكاتبها .. وأنا في الحقيقة اعجبتني .. اتمنى ان لا تحرميننا من كل ما هو متميز في عالم الشعر .. تقبلي تحياتي وتقديري تـــحـــدوه

10-17-2004, 10:17 AM

غاليتي الخطيره كل الشكر على المشاركة الرائعة00
قصيدة جميلة جداا00
تقبلي تحيتي عزيزتي00

10-17-2004, 04:32 PM

سلمت اناملج
وصح لسان الشاعر

لاعدمتــكمـ،،،

10-21-2004, 08:31 PM

يسلمووووووووو
يعني افداكم

اللله يخليكم لي
و لا يحرمني من مروركم الكريم

تحياتي

10-23-2004, 04:48 PM

رووووعه والله يعطيك العافية

10-24-2004, 01:03 AM

يعطيك العاااافيه حبيبتي الخطيره
وسلمتــــ ايدك

كل الحلااااا

10-26-2004, 03:11 AM

اختيار موفق

وبالفعل من اقسى قصايد الحب

إلا إنها جميله

في كل شي

والأجمل انها من اختيار الخطيره

صاحبة الحس الرائع