وسوالف البــــــــــــنات يــــــــــــــــــــاكثررررها ماتخلــــــــص..
وانشالله بتونسكم..
*
*
*
*
نبدا..
هنادي..من الصبح وباول يوم دراسي تقول وتتحلطم :انشالله مايكون في طابور مو من أول يوم عاد والله
ترد سوسن عليها:ايه والله بعد أنا مستشوره شعري عدل ماابي يخترب بروحه حر ورطوبه ولوعة جبد
....
ريهام..يللا ندوي خل نروح نسلم على أبلة العلوم تراني مشتاقة لها ووووايد
ناديه رفيجتها تقول لها:أوه مالي خلق اسلم عليها ولا على غيرها وأكيد بتقول لي ليش حافه حواجبج وأنا مااداني حد يتدخل في أموري
ريهام:عادي مافيها شي
ناديه:تبين روحي بروحج وانا بنطرج لكن ماني داخله اسلم معاج
....
هذي وحده دبه (متينه)داخله الصف مشتطه تقول للبنات: بنات عندي اختراع لكم
سيده العيون كلها عندها والكل أذان صاغيه للاختراع اليديد
شوفوا أخذوا قرشة ماي صبوا فيها بترول سكروها وخضوها وبعدين صبوها على راسكم (شعركم)تصير صبغه
وحد عطاها ويه وضحك وحد استفزها وسكت
....
شوفوا سحر في حصة الفنيه والابله تشرح تقول:بنات ممكن ترسمون شعر وحده من البنات من ورا وراح يعطي شكل فني حلو
جان تعلق سحر وبثقل دم:أبله واللي شعرها أشقر شلون نرسمه
اهني الأبله عصبت وقالت لها:بلى خفة دم واستظراف ويللا اشوف قومي غيري لي مكانج
اهني سحر صج تفشلت عدل وانحرجت والبنات باخر حصه لهم مالهم خلق ضحك ولا سوالف
....
دانه اليوم محلوه زياده عن اللزوم دخلت الصف وقعدت مكانها جان تلف عليها ليلي وتقول دندون انتي جذي احلى
من غير مكياج ويهج حلو..اهني انحرجت دانه وقالت لها جدام صديقاتها ليش الاحرج انا اليوم مشتطه وكاشخه
وحاطه مكياج في ويهي ومحدده حواجبي وانتي تقولين لي محلوه من غير مكياج واسكتت منحرجه وليلي متحسفه
….
سهام مو قادره تمسك نفسها عندها سالفه خطيره تبي تقولها لتماضر..
تمضور تمضور ابي اقولج سالفه صارت لي الخميس
تماضر:شالسالفه قولي
كنت رايحه مع امي واخوي الصغير المول وماكنت حاطه شي في ويهي واحنا ماشيين بنروح فوق نتعشا شفت اثنين يمشون
جدامنا لكن شنو حلوين ويهبلون واحد منهم لابس ثوب اماراتي وطالع حلو والثاني قلبي طاح عجبني حنطاوي وثوبه بيج
وطالع يهبل كاشخ وماسك مسباح في يساره..المهم ياتمضور احنا نمشي وراهم وهم يلفون يشوفون من وراهم حتى نظراتهم
ياتمضور تاخذ العقل المهم احنا قعدنا على طاوله وهم على طاوله بعيده شوي عنا..وبلمح البصر دقايق والا هم مختفيين
انقهرت حيل لمن راحوا وانبطت جبدي بعد
تمضور::::::::ههها معلي خيرها بغيرها حبيبتي
والمصيبه ياتمضور اني ماكنت حاطه مكياج عشان الفت اكثر
تماضر:زين سويتي جذي احسن ترى الشباب مايحبون البنات اللي يحطون مكياج في ويوههم
معقوله لابالعكس اخبرهم يحبون اللي دايما محلوين بالمكياج
تمضور:لا مره شفت ثلاثه قاعدين يطالعون وحده متمكيجه للاخر في اللاند ويضحكون على شكلها وعقب لحقوا وحده مو
متمكيجه وقالوا هالبنات الزينين اللي مايحطون اصباغ في ويوههم مو انتي ياسحيله
بس ترى تمضور في بعضهم يحبون جذي يعني الناس تختلف أذواقهم..
....
وهذي وحده تقول لرفيجتها بدور:بدور شعندج ضعفانه
اهني بدور ينت استخفت :الله واخيرا حد قال لي اني ابين ضعفانه
ماصدقت المسكينه كلٍ حبطّها يوم قالو لها انها متنانه
....
وهذي مدرسة مجتمع تمشي وتقول لصديقتها المدرسه:امس طلعت ونسيت اشتري قميص نوم
جان ترد عليها صديقتها:اليوم روحي نعومي واخذي من هناك قميص نوم ترى مسويين تنزيلات
صج والله يللا بعد فرصه اخذ لي بدال الواحد اثنين او ثلاثه
....
وهذي ورقة واصله من الاداره للبنات فيها تنبيهات على اللبس والحضور والغياب وغيره
ومن اللي مكتوب فيها....يمنع وضع المكياج بكافة اشكاله ولالبس الاكسسورارات ولا الكعب العالي
اهني عبير تخسبكت لا مااقدر ايي المدرسه من غير مكياج بعدين شلون يصير عندي معجبات في المدرسه
وريم ماتت على عمرها :أنا شارية لي اشكثر اكسسوارات مايصير ماألبسهم وبعدين مو على كيفهم يمنعون الكعب العالي
....
واهني شلة بنات متضايقين من مدرسة الشرعيه الفيلسوفه من تدخل عليهم ماتسكت لازم محاضره وكلام معيود ماتشبع
والمشكله الاكبر ان ريحتها مو حلوه كريهه قبل ماتدش لازم العطر ينرش في الصف والبنات ماسكين نفسهم غصب
وتعليقات عليها ماتخلص الله يعينهم من بنات
....
ومن صوب ثاني عهود فاتحه موضوع بينها وبين رفيجتها سميره وغاده والموضوع عن الزواج ...
تقول عهود:انا ماراح اتزوج غير لمن اتخرج واشتغل
ترد سميره:حتى لو مايبت مجموع ولادخلت الجامعه او اشتغلت اهم شي اني اتزوج
وغاده اللي كانت بتموت عشان بس تتزوج قبل كل رفيجاتها كاهي اليوم ماتبي تتزوج غيّرت رايها عن الزواج وتقول:
انا ماابي اتزوج ولا شي خلاص غيّرت رايي
عهود:ايه ليش عاد
سميره:انتي ماكنتي بتموتين الا تتزوجين وماتطيحين في جبد امج
غاده:بعد شاسوي غيّرت رايي الحين وماابي شي اسمه زواج في حياتي
منقول ؛؛ منقول
هذه الرسالة تفيد بأنك غير مشترك في صدى الاهات. لتسجيل الرجاء اضغط هنـا 
الإهداءات
سوالف البنات ههههههههههه 
